Sunday, October 25, 2026

BARDE KERARRIYA HADEJIA ALH. USMAN HARUNA MALAMIYO

Sunana Ismaila A. Sabo An haifeni a Unguwar Rumfa cikin garin Hadejia, a ranar Asabat 22/03/1977. Na fara karatu a Abdulkadir pri. Sch. Hadejia, a shekarar 1984-1990. sannan naje Govt. Day sec. School wunti Hadejia a shekarar 1991-1996. Naje College of Islamic and Legal studies Ringim a shekarar 1998-2000, sannan na koma Federal college of Education Kano a shekarar 2012-2014. Yanzu haka Ina zaune a cikin garin Hadejia.

Saturday, October 17, 2026

MAI MARTABA SARKIN HADEJIA YA HALARCI TARON YAYE DALIBAI A JAMI'AR AZARE

HADEJIA A YAU!

Mai Martaba Sarkin Hadejia Alh.DR. Adamu Abubakar Maje C.O.N, ya halarcin taron yaye Dalibai karo na farko a jami'ar Kiwon lafiya dake Azare ta jihar Bauchi (Federal University Of Health Science)

An gudanar da wannan bikin wadda aka yiwa lakabi da "Maiden Convocation Ceremony for the Award of Degrees" a harabar makarantar da ke Azare a yau Asabat 17/10/2026, Oktoba, 2026. An karrama ɗaliban da suka kammala karatun su a wannan jami’a ta kimiyyar lafiya.

Wannan biki ya kasance wani muhimmin tarihi ga jami’ar, tare da nuna irin rawar da manyan cibiyoyin ilimi ke takawa wajen samar da ƙwararrun ma’aikata da za su taimaka wajen bunƙasa fannin kiwon lafiya da ci gaban Najeriya.

Bayan wannan taro Mai Martaba Sarkin Hadejia Alh DR. Adamu Abubakar Maje CON, ya sada zumunci da Sarakuna, ciki har da mai masaukin Baki Mai Martaba Sarkin Katagum Alh. Umar Farouk. Masarautar Katagum tana daya daga cikin masarautun da suke da zumunci tsakanin su da Masarautar Hadejia, wadda abokan wasa ne tun a zamanin da fulani suka rusa Daular Barno da ke da matsugunnin mulki a garin Ngazargamu.

Hadejia A yau.!Hadejia A yau

Ismaila A Sabo Hadejia

Subscribe to: Posts (Atom)

Masarautar Hadejia Tarihi da Al'ada

Barka da zuwa Masarautar Hadejia

Asalin Hadejia: Gidan Tarihi da Al'ada

Gano tarihin kafa masarauta mai albarka, jarumtar sarakuna, katangar birni tarihi (Ganuwa), da kuma dimbin al'adun gargajiya da suka shahara a Arewacin Najeriya.

Fara Karatu Duba Sarakuna

Babi na 1

Gabatarwa Game da Hadejia

Birnin Masarautar yana a tsakiyar masarautar, wato "Hadejia" sunan Birnin ya samo asali tun lokacin da aka kafa garin, sunan mata da miji ne aka hade ya bada sunan Birnin na Hadejia. Daga haduwar wasu kabilu da garuruwa, Unguwanni da dama sun taimaka wajen gina martabar garin wanda ya zama cibiyar kasuwanci, addinin Musulunci, da ilimin boko da na musulunci.

"Hadejia garin tarihi ne, mai cike da jaruntaka, da kyakkyawan tsarin mulki tun tsawon shekaru da dama."

Bayanan da suka shahara game da Hadejia:

Wuri: Gabashin Jihar Jigawa, kusa da kogin Hadejia.
Addini: Musulunci tun a karni na baya da kuma kyakkyawan riko da tarbiyya.
Tattalin Arziki: Noma, Kiwo Kamun kifi daga kogin Hadejia, da kuma sana'o'in hannu.

Babi na 2

Tarihin Kafa Masarautar Hadejia

Sarkin fulani UmaruSarki na farko

A zamanin sa aka samu labarin Jihadin Shehu, inda kuma ya tura 'yan uwan sa domin su je su jaddada goyon bayan su ga Jihadi sannan su karbo tuta.

Sarki Sambo

Sarki na biyu

Daya daga cikin manyan sarakunan da suka bayar da gudunmawa wajen karfafa tsaro, fadada masarauta, da kuma hadin kan al'umma.Ana tunawa da shi saboda shine ya kafa Masarautar Hadejia, ya yi mulki da adalci. A zamanin sa an samu bunkasar masarautar a harkokin kasuwanci da gine-gine a cikin garin Hadejia.

Mai Martaba Sarkin Hadejia (Zamani)

Mai Mulki

Yana ci gaba da rike ragamar mulki tare da inganta ilimi, zaman lafiya, da tallafa wa al'ummar masarautar a halin yanzu.

Ismaila A sabo Hadejia